اكلات رجيم

السلام عليكم

هنا راح يكون لنا مرجع للأكلات الرجيميه ..

كل وحده تسدح لنا اكله تصلح للرجيم

من مطبخها او من النت ..

عاد خل تكون متواصلين علشان نشجع بعضنا

]<A href="http://www.avakaras.com/" target=_blank>

المقادير

بذنجان مقطع شرائح

بصل حلقات
طماطم حلقات
فلفل حلقات
بقدونس مفروم
عصير كوب طماطم
ملح بهارات
قليل من الزيت يرش على الوجه
<A href="http://www.avakaras.com/" target=_blank>

الطريقة

يرص كل المقادير طبقات طبقات
و يرش الطماطم على الوجه
و بالف هنا و شفاه
....
سلطه مكسيكيه

محتوياتها

ذره
حمص
فلفل احمر واخضر حلو
فاصوليا
بصل احمر او ابيض
فلفل حار
طماط
ثلث كوب خل يخلط معه ثوم مهروس وزيت زيتون وقليل سكر
وملح وفلفل
ويصب على السلطه ويخلط
(ملاحظه :الثوم اللي يجي مع البروستد احتفظي فيه للسلاطات)
......
دجاج بالخضار

هذي المقآدير :

1- دجآجة مسلوقه مقطعة

2- حبتين طمآطم
3- حبتين فليفلة

4- حبة جزر

5- بصل

6- ملعقة صلصة سومطرة الحآرة ‏>> أهم شييء

7- ملعقة فلفل

8- ملعقة ملح

9- ملعقة كبيرة جبن

10-معجون طماطم

الطريقة :

حمسي البصل خليه شوي بعدين ضيفي الفليفلة والجزر

حركيه كويس وضيفي الدجآج بعده الطمآطم

حركيه لحد مآيذبل الطمآطم وضيفي عليهم ملعقة الجبن والمعجون ..

أخر شي تحطين صلصة السومطرة والفلفل والملح.. وبس

الشكـل النهآإأئـي :-

يقدم مع الزر أو الخبز ^_^

وبالهناء والعافيه

حلوه الصحوون !!

اممممممم شكله يمي يمي اكلات رجيم 897643

يبي لي اجربووو

بس السلطه المكسيكيه احسها تنفخ البطن وتخيس الفم مو هيجي ؟؟.. اكلات رجيم 179581

ههههههههههههههههههههههه

شفت رد حولم على الصحون رجعت مره ثانيه على الصور علشان اشوف الصحون ..

صج حلوه الصحون ماحسيت ابهم الا الحين

ههههههههههههههههه ايييه

مو هذي الغمندى من النخج و البصل

عشان تحسين بنفخ البطن و خياس الثم .. ولا تفكرين بالأكل

سويها وانا اختج

جان بسوي موضوع مستقل عشان شوربة الفطر

النا قلت .. خل اضيفه على اكلات الرجيم لآنها تصلح لرجيم

وهم عشان الموضوع ... يفعل بـ اضافة اكلات من عمل ادينا وحياة اعيونا

المهم

اقدم لكم طبق ( شوربه و نقنقه او قصدي شوربة الفطر)

اولا

نقطع الفطر على حسب اللي تبين

نثرم راس بصل و مكعب ماجي

او اذا ماحصل عندكم ماجي حطوا بهار مع قليل من الملح مع الفطر

ونحمر البصل والفطر بزيت الزيتون

نصب عليه قليل من ماي الفطر .. عشان بس يذبل البصل

نجيب غضاره فيها ست كوؤس من الماي الدافي .. ونحط 6 كمشات كبيره طحين و اربع كمشات حليب بودره

مشان الرجيم عباره (يفضل قليل الدسم ان وجد )

ونخلطهم جيدا .. مثل البشاميل ,,

ونصبه على الفطر والبصل
ونخلطه اشوي .. ليتجانس الخليط

ونخليه يطبخ الى ان يفوووور

لمدة ربع ساعه على نار هاديه ..

ملاحظه ( خليه غطى الجدر مفهوق عشان مايفاوض .. ويدعي لج الفرن حسره )

*

*

وتمتعوا بطعم الكريمي الخاص

هني وعافيه

وعاد خل نشوف لكم طبخه رجيميه .. هنا

.

.

ربي يعطيج الف عافيه خيتووو

الحين وراي نفخ عاد قلت يا ووقت شوربة الفطر بسويها مع باستا فينليز وبسوي سينابونات صغيرات

عاد كل هالدندرة يبي لها وقت والفريخ احميد معفوس عفاس يتبادح تحت رجوليا قلت خل ارقده وتالي ارجع للكرف الذي لا ينتهي

.

اكلات جميلات

لكن .......

ماتصلح حق تحدينا العظيم لييييييييييش؟؟؟

انا اقول لكم ليش

لان سلمكم الله احنا نبي ننزل نزول سريع وهذا يبيله حرمان

وهالاكلات صج تخفيف دهون بس النزول بيكون بطييييئ

هذي تصلح بعد التحدي عشان تثبيت وزن والافضل تكون اسلوب حياة لانها صحيه

هذا رايي انتون شتقولون ؟؟؟

غلط يا زوزو ..

اذا ماكلتي الخضار المطبوخه والسلطات و الشوربات .. شبتاكلين ..

كل هاالاكلات الموجوده في هالموضوع تصلح مع التحدي

اولهم الشوربه .. تدرين انه في رجيم الشوربه .. مثل شوربة الشوفان و الخضروات والمرق

وهم السلطه اللي فيها نخج ..جدا ممتازه لتسد جوعنا و تصدنا عن الضعف ومن بعدها الأنفجار امام المغريات

و هم بعد المسقعه تصلح .. لأنها كلها خضار وبدون دسم

و حتى العيش مع الخضار ..يصلح بس لا تكثرين عيش خلي الخضار هي الأغلب

و استغني عن الدجاج عشان انزيمات البروتينات ماتصلح مع انزيمات النشويات

.

من المهم جدا في اليوم .. تاخذين فايده

لا تخافين بتنزلين بتنزلين ..

حاولي كل يوم تاخذين فايده

يا من

الخضروات مثل ( مرق خضار او مسقعة خضار او فواكه )

او

البروتينات مثل ( البيض او سلطة تونه مع خيار وطماط او دجاج اولحم مفروم مع طماط وبصل )

او

النشويات مثل ( بطاط مهروس مكرونه خضار او عيش ومرق خضره او خبز و خضار مطبوخه )

مب دونات و بطاطس من البقاله و سفن وماي وجاي اخضر

وين الفايده في ذيلي

اهم شي الصحه والقوه وانا و اوخيتش

هههههههههههه

هالريجيم يجنن صرت كل شي اخاف منه

لا ومن كثر مااقرا بانواع الريجيمات وتخويف من كل شي ولا عاد

الصاروخي اللي تقولش حتى لحسة خليط الكيك

وحبة الرز وذرة الملخ ياثرون

وين مانهاجس

بس ترا عجبني الصاروخي بس يبي له اراده حديد

وواحد متسطر لش كل يوم والثاني يوديش تقضين

ياليت

الله يلهمنا الصبر والقوه على مواجهة الصعاب هع

اهووووو بس ئال صاروخي ئال

توني قاريه هالريجيم مالت

ذه حق الانتحار البطيييء

ولا حق المتان حيل مو مثلنا باقي لي على الوزن المثالي 9 او 8

انشالله ما يحتاج هالريجيم ..انبطت شبدي على الملح تقول ولا ذرة ملح تدش اكلج

نعنبوها تبينا ناكل طين

اهووو بس انا بسوي ريجيم شوربات وفواكه وتمر

وانشالله الكل يعرف هالريجيم مني ومن رشاقتي الله كريم

ئال لا تاكلون ملح ئال

اي والله انا هذي اللي معكظنيه الملح واتوقع مايسوا الاكل بدون

ملح يعني اهوا في ايام مفتوحه وايام فيها عيش ومكرونه بس بدون ملح يتراوليه

لو اكل جدر بدون ملح مايهجي

بس قلت يمكن في بدائل منكهه دورت بالقوقل يقولش في صلصة الصويا

تادي غرض بس مايندرى بهالريجم يسمح ليه والا لا

نشوف